Visualiza gratuitamente ¡Dolores guapa! na plataforma eFilm Coruña e ven despois ao encontro que temos organizado onde, recuperando clips da película, iremos analizando e debatindo sobre moitos temas e aspectos tratados na película.

Sinopse oficial: As imaxes e tradicións relixiosas atravesan as vidas de moitas persoas que habitan en Sevilla. Tamén as das persoas LGTB, que as asimilaron desde a súa infancia e a través delas foron armando espazos seguros e de encontro e, ademais, con códigos propios.

Na actualidade, novas identidades disidentes seguen participando ou alonxándose delas, continuando no que existe ou transformándoo.

Cal é a dinámica do cineclub?

1. Cada persoa toma en préstamo e visualiza a peza seleccionada na plataforma de streaming Coruña efilm. Para acceder só necesitas ser socix das bibliotecas. Segue os pasos que che indicamos no titorial  Coruña eFilm .
2. Asistir o día da reunión e seguir o debate proposto.