A nova programación educativa para o verán organizada pola Oficina Municipal de Información ao Consumidor (OMIC) prevista para os meses de xullo e agosto oferta 160 prazas gratuítas para participar no programa educativo "Escola de Verán" destinado a nenas e nenos de entre 4 e 10 anos de idade.

Temática:

• Alimentación e consumo
• Consumo sostible
• Os menores e o consumo
• Consumo e publicidade
• Consumo e Tics

Preinscrición:

Do 13 de xuño ao 23 de xuño de 2016:

1. Presencial: nas instalacións da OMIC en horario de atención ao público.

2. Telemática a través da páxina web www.coruna.es/omic, desde as 08.00 horas do día 13 ás 13.30 horas do día 23.

Todas as preinscriciones telemáticas que teñan data de envío anterior ou posterior aos días e horas indicados non serán tramitadas.

Sorteo público:

As prazas adxudicaranse por sorteo que se realizará o día 23 de xuño ás 14.00 horas, nas instalacións da OMIC, onde se extraerán catro letras unha para cada quenda.

Corresponde praza dende o primeiro apelido da letra do sorteo por orde alfabética, dando a volta ao alfabeto (da letra Z pásase ao A), se fose necesario, ata completar as prazas de cada grupo dentro de cada quenda.

As prazas ofertadas en cada grupo e quenda adxudicaranse pola orde resultante.

O 27 de xuño na web da OMIC www.coruna.es/omic, e nas instalacións da OMIC, farase pública a lista das persoas admitidas en cada quenda. Se a persoa solicitante non está na lista de admitidos, estará na lista de espera. Se quedasen prazas vacantes, despois da inscrición das persoas admitidas chamarase ás reservas pola orde correspondente.

O cumprimento dos datos restantes, para as persoas que obteñan praza, realizarase o primeiro día da actividade correspondente a cada quenda.

Participantes:

• Prazas: 20 por grupo
• Grupos: 2 por quenda
• Quendas: 4
  • Do 1 ao 14 de xullo
  • Do 15 ao 29 de xullo
  • Do 1 ao 12 de agosto
  • Do 16 ao 29 de agosto

As nenas e nenos solicitantes deben estar empadroados no Concello da Coruña e ter entre 4 e 10 anos de idade. Só se admitirá un participante por quenda, e só poderán acceder a outra quenda se quedasen prazas vacantes.

Só se admitirán nenas e nenos doutros concellos se quedasen prazas vacantes.

Horario das actividades:

De 9.30 a 13.30 h

Actividades:

• Alimentación saudable (A pirámide da alimentación)
• O xogo da comunicación. Construíndo os nosos teléfonos móbiles
• Construíndo a miña historia nunha sociedade de consumo
• Reciclaxe e papiroflexia
• Construíndo xoguetes (desenchufados)
• Xogar sen xoguetes (desenchufados)
• A nosa cidade máis habitable e saudable
• Publicidade (anuncios, publicidade enganosa
• Internet consellos na rede (vantaxes e desvantaxes)
• Etiquetando
• Hábitos de alimentación saudable
• Xogando a ser xornalista
• Debuxando un mundo mellor e máis sostible
• Visita ao mercado

Para máis información poden contactar co 981189820 ou acudir ás nosas instalacións na Costa da Palloza, 8.