Os compoñentes de I Solisti dell'Opera Italiana foron elixidos entre os mellores músicos italianos e de toda Europa; algúns deles xa figuraron como primeiros atrís na Orquestra do Teatro Regio di Parma.

Este conxunto anteriormente coñecido como os Solisti do Teatro Regio di Parma, preséntase agora como Solisti dell'Opera Italiana para unir ao repertorio clásico de formacións características toda unha serie de pezas instrumentais, romanzas, música de salón e divertimentos do século XIX sobre temas extraídos do repertorio operístico. Foi nesta época cando a paixón pola ópera fixo que os especialistas no campo das transcricións producisen adaptacións para diferentes tipos de agrupacións musicais tanto de arias como de melodías soadas, extraídas das obras de Mozart, Rossini, Verdi, Donizetti ou Puccini, entre outros.

PROGRAMA

I PARTE - GIUSEPPE VERDI

• A Forza do Destino (Fantasía).
• Rigoletto (Variacións do concerto).
• Aida (Fantasía).
• Otello (Bailables).

II PARTE

• Luisa Miller (Fantasía).
• Traviata (Fantasía de concerto).
• I Vespri Siciliani (Sinfonía).

*Venda de entradas a partir do día 19 de outubro.

Despacho de billetes Central, Praza de Ourense: de luns a venres de 9.30 a 13.00 e de 16.30 a 19.30 h.

Despacho de billetes Teatro Rosalía: só días de función de 12.00 a 14.00 e de 18.00 a 20.00 h.

Sede Afundación: de luns a sábado, incluídos festivos, de 9.00 a 21.00 h.

Televenda: 902 504 500.