As nosas raíces son católicas. Educados no seo dunha cultura cristiá, convivimos a cotío cunha chea de símbolos relixiosos. Colm Toibin puxo o foco nun deles: a Virxe María. E descúbrenos que detrás desa icona da Virxe hai un ser humano: María de Nazaret. Unha sinxela muller de campo, cuxo único fillo lle é arrebatado por unha decisión divina que non comprende e por un terrible odio humano que lle inflixe a maior das dores ao cravalo nunha cruz.

O texto de Coibin chéganos coa voz e figura de Blanca Portillo. Nesta actriz descansa a parte primordial do traballo. É un monólogo complexo e con moitos matices. A emoción en estado puro, sen artificios, é o que debe prevalecer, eliminando todo o que nos separa dese sentimento enfebrecido.

A escenografía de Frederic Amat convirte o exilio, na súa casa de Éfeso, nunha especie de habitación-retablo da memoria. Nela o noso personaxe, xa na vellez, revive momentos da súa vida. Fermosos algúns, terribles outros. E recréaos coma se nas súas solitarias e longas noites, lles dese forma a esas pantasmas do pasado e con eles descóbresenos a muller que realmente é, non a que toda a humanidade quixo facer dela.

Con Blanca Portillo.

Dirección: Agustí Villaronga.

Autor: Colm Tòibín.

En coprodución con Centro Dramático Nacional, Festival Grec e Avance Producciones Teatrales.

Duración: 65 minutos.

Venda de entradas:

Despacho central de billetes da Praza de Ourense: de luns a venres de 9.30 a 13.00 h. e de 16.30 a 19.30 h.

Despacho de billetes Teatro Rosalía: só días de función, de 12.00 a 14.00 e de 16.00 a 20.00 h.

Sede Afundación: de luns a sábado, incluídos festivos de 9.00 a 21.00 h.

Televenda: 902 504 500.