Desenvólvese nos anos da posguerra. Conta a historia de Natalia "A Colometa", unha moza orfa de nai que se sente perdida no mundo e que verá partir e morrer aos seus seres queridos, pasará fame e miseria e verase moitas veces incapaz de sacar adiante aos seus fillos.

A novela é unha crónica fiel da Barcelona da posguerra e de como marcou este período histórico aos seus habitantes. La plaza del diamante está considerada como a novela máis importante da narrativa catalá de posguerra. Obtivo un grande éxito tras a súa publicación en Barcelona no ano 1962 e foi traducida a 27 idiomas.

Lolita Flores é "A Colometa" e interpreta, coa súa característica forza nos escenarios, este duro monólogo interior, costumista e desgarrador.

Despois de 39 anos de subirse por primeira vez a un escenario, a actriz e cantante asume o reto dun monólogo teatral, profundamente visual e poético. Lolita promete emocionarnos máis ca nunca e "con outro aire".

Con Lolita Flores.

Adaptación e dirección: Joan Ollé.

Compañía: Bitó Producciones.

Duración: 80 minutos.

Venda de entradas:

Despacho central de billetes da Praza de Ourense: de luns a venres, de 9.30 a 13.00 e de 16.30 a 19.30 h.

Despacho de billetes Teatro Rosalía: só días de función, de 12.00 a 14.00 e de 18.00 a 20.00 h.

Sede Afundación: de luns a sábado, incluídos festivos, de 9.00 a 21.00 h.

Televenda: 902 504 500.