As obras para espectadoras/es tan precoces reúnen algúns requisitos. Un deles é a proximidade entre a escena e ou público, o que leva a que o patio de butacas se transforme nunha zona pegada ao escenario, con alfombras, coxíns, pequenos bancos..., onde meniñas e nenos poden permanecer sentados con menos rigor e dun xeito máis acorde á súa anatomía, a carón das súas familias. O segundo requisito é a duración, que flutuar entre 30 e 45 minutos, que é o tempo que a atención dun bebé pode fixarse na actividade.

As propostas que presentamos este ano son moi variadas: con ou sen palabras, con obxectos, con música, con movemento, con efectos audiovisuais... Todas pretenden espertar sensibilidades e transmitir emocións achegándonos ao teatro, á danza, á música, á vida.

"Porque os nenos e as meniñas merecen e necesitan que a arte forme parte das súas vidas; porque as artes escénicas contribúen á súa formación emocional, a desenvolver a empatía e a xerar sociedades máis xustas. Merecen poder emocionarse e gozar con contidos de calidade que lles falen da realidade da que eles e elas son partícipes. Merecen un mundo cheo de arte". (ASSITEJ España. Artes Escénicas para a Infancia e a mocidade).

VENDA DE BILLETES

• www.ataquilla.com
• Despacho de billetes da praza de Ourense (agás festivos): de luns a venres de 11.00 a 15.00 h e de 16.30 h a 19.30 h.
• Despacho de billetes do Ágora: dende unha hora antes do comezo do espectáculo (sempre que queden entradas dispoñibles).

PAGAMENTOS: no despacho de billetes da praza de Ourense, do Ágora e na televenda con tarxeta de débito ou de crédito, agás American Express.

MÁIS INFORMACIÓN www.coruna.gal/cultura