Os impulsores do proxecto, Brett Anderson e Bernard Buttler, deixárono todo claro nada máis asomar a cabeza.
O seu disco de debut, “Suede” (1993), nacía cunha misión: crear histeria, ofrecerlle himnos a unha xeración e bañala do seu felino romanticismo. Por unha banda herdaban o lado glam-rock de David Bowie. Por outro recollían unha boa parte da afectación de The Smiths. Deses dous polos brotaron cancións como “So Young”, “Aninal Nitrate” ou “Metal Mickey” que hoxe forman parte imprescindible de calquera lista de éxitos da era. Logo chegaría a súa obra mestra, “Dog Man Star” (1994) e pouco despois a súa consagración con “Coming Up” (1996).
Aí convertéronse nun grupo de masas, arrasando en vendas e levándose a cabeza de cartel dos festivais de medio mundo. No 2003 decidiron retirarse, deixando un gran baleiro no firmamento pop. Eles mesmo ocupáronse de volvelo a encher coa súa esperada reunión e un disco unha década despois, “Bloodsports”, que os devolveu á primeira liña. A súa actuación no Noroeste Pop Rock, posiblemente o concerto de rock máis importante do verán en Galicia, servirá para confirmar unha vez
máis a súa grandeza.