Andrés Trapiello, escritor e experto en Cervantes, sorpréndenos cunha ambiciosa edición dun dos maiores fitos da literatura universal: o Quixote. Coincidindo co cuarto centenario da publicación da segunda parte do Quixote, Trapiello adaptou o texto íntegro desta obra imprescindible ao castelán que falamos hoxe en día. Baixo o título Don Quixote da Mancha. Adaptado ao castelán actual íntegra e fielmente por Andrés Trapiello, este libro pretende achegar as aventuras de don Quixote e Sancho Panza a todos os lectores para que poidan gozar delas sen a dificultade que pode supoñer lelas no castelán de catrocentos anos atrás.

No prólogo a esta edición, Mario Vargas Llosa, escritor galardoado co premio Nobel de Literatura, afirma: «Na versión de Trapiello a obra de Cervantes rexuveneceuse e actualízase […] sen deixar de ser ela mesma, poñéndose ao alcance de moitos lectores aos que o esforzo de consultar as eruditas notas ao pé de páxina ou os vocabularios antigos, disuadían de ler a novela de Cervantes de principio a fin. Agora poderán facelo, gozar dela e, seica, sentirse incitados a enfrontarse, con mellores armas intelectuais, ao texto orixinal».

Andrés Trapiello naceu en Manzaneda de Torío, León, en 1953, e desde 1975 vive en Madrid. É autor de oito novelas, entre elas El buque fantasma (Premio Internacional de Novela Plaza&Janés 1992), Los amigos del crimen perfecto (Premio Nadal 2003; Premio Nacional 2005 á mellor novela estranxeira, Pequín), Al morir don Quijote (2004; Premio de Novela Fundación José Manuel Lara 2005; Prix Littéraire Européen Madeleine Zepter, París, 2005, á mellor novela estranxeira) e Los confines (2009); dun libro sobre o maquis en Madrid, La noche de los Cuatro Caminos (2001), e dun diario titulado Salón de pasos perdidos, del que apareceron dezasete entregas. Como ensaísta publicou, entre outros, Las vidas de Miguel de Cervantes (1993), El arca de las palabras (2006), Imprenta moderna (1874-2005) (2006) e Las armas y las letras (1994), revisado en 2010. O seus primeiros catro libros de poemas reuníronse en Las tradiciones (1991), volume ao que seguiron Acaso una verdad (Premio Nacional da Crítica 1993) e Segunda oscuridad (2012). Recibiu, entre outros, o premio das Letras da Comunidad de Madrid (2003) e o de Castela e León (2011) ao conxunto da súa obra.

Patrocina: Concello da Coruña.

Organiza: Polisemias.