A zona de Cidade Vella e Pescadería está predominantemente formada por elementos de gran riqueza arquitectónica, artística e historiográfica.

Co fin de mellorar o ornato público, o Concello da Coruña pretende potenciar a estética xeral no ámbito do Plan Especial de Protección e Reforma Interior da Cidade Vella e Pescadería, centrando a súa actuación na promoción da rehabilitación de fachadas exteriores mediante a concesión de subvencións para obras de pintura e reparacións menores, así como para a substitución de carteis e rótulos co fin de unificar o modelo dos mesmos.

1º - ¿QUE ACTUACIÓNS SON SUBVENCIONABLES?

• Substitución de cartelería exterior segundo modelo aprobado polo Concello
• Pintura de fachadas exteriores, incluíndose as reparacións en fachada necesarias para a execución da mesma e a retirada de cableado exterior. Para esta subvención débese incluír a totalidade das fachadas exteriores do inmoble, salvo que se acredite que só algunha delas necesita ser pintada.

2º - ¿QUE INMOBLES PODEN SER OBXECTO DE SUBVENCIÓN?

Poderán ser obxecto de subvención os inmobles que situados dentro do ámbito do Plan Especial de Protección e Reforma Interior da Cidade Vella e Pescadería, sendo prioritario na concesión aqueles inmobles que se atopen dentro do espazo determinado anualmente pola Xunta de Goberno Local.

3º - ¿QUEN PODEN PEDIR SUBVENCIÓN?

Poderán pedir subvención para as obras de arranxo e pintura de fachada, as Comunidades de Propietarios ou a totalidade dos propietarios

Para o cambio de cartelería poderán solicitar subvención os propietarios ou arrendatarios do local de negocio con autorización do propietario.

4º - ¿QUE CARACTERÍSTICAS TEÑEN QUE TER Os INMOBLES?

É condición indispensable para poder solicitar subvención que o inmoble sobre o que se vaia a realizar a actuación subvencionable cumpra cos requisitos establecidos no art. 5 da Ordenanza de concesión de subvencións para mellora da imaxe urbana no ámbito do plan especial de protección e reforma interior da Cidade Vella e Pescadería.

5º - ¿CAL É A CONTÍA DAS SUBVENCIÓNS?

- OBRAS DE PINTURA EN FACHADAS E REPARACIÓNS NECESARIAS PARA A MESMA:

• En inmobles con algún tipo de protección o 80% do custo das obras, incluíndo honorarios técnicos, taxas e impostos. A subvención non poderá superar o importe que resulte de multiplicar 4.000,00€ polo número de vivendas do inmoble, con independencia do número de beneficiarios. No caso de edificios que non alberguen vivendas, a subvención máxima non poderá exceder de 4.000,00 €.

• En inmobles non protexidos subvencionarase o 60% do custo das obras, incluíndo honorarios técnicos, taxas e impostos. A subvención non poderá superar o importe que resulte de multiplicar 3.000,00€ polo número de vivendas do inmoble, con independencia do número de beneficiarios. No caso de edificios que non alberguen vivendas, a subvención máxima non poderá exceder de 3.000,00 €.

- OBRAS DE CAMBIO NA CARTELERÍA:

• A substitución de cartelería é subvencionada cun 70% dos gastos cun límite máximo de 2.000,00 € por cartel substituído.

6º - ¿CANDO SE PODEN SOLICITAR?

Pódense solicitar cando se abra prazo mediante convocatoria pública, da cal se dará publicidade.

As convocatorias non teñen periodicidade establecida, polo que é recomendable estar atentos ás aperturas de prazo. Para iso poden informarse directamente nas nosas dependencias de maneira presencial ou telefónica, a través da consulta no Boletín Oficial da Provincia ou a través desta web.

7º - ¿ONDE PODO OBTER MÁIS INFORMACIÓN?

Para ter máis información poden consultar a Ordenanza de concesión de subvencións para mellora da imaxe urbana no ámbito do Plan Especial de Protección e Reforma Interior da Cidade Vella e Pescaderíaque está dispoñible na web municipal.

Tamén poden facelo a través do servizo de consultas dispoñible na seguinte LIGAZÓN