Trátase de tres personaxes masculinos que, por diversas circunstancias, ven forzados a crecer interiormente, a vida obrigounos a deterse e reflexionar, a mirarse un pouquiño por dentro e a dar un paso renovador. O medo xorde desa vertixe que produce calquera situación de cambio ou de ruptura. Na función ese medo vaise contaxiando dun personaxe a outro, por iso o medo transfórmase en pánico.

O detonante do conflito é o amor, cada un dos personaxes desenvólvese dunha maneira diferente nos asuntos amorosos, pero todos teñen en común unha enorme crise afectiva. Se a esta crise sumámoslle a crise da idade, a existencial, a de identidade, a económica, etc. temos unha comedia que é como unha pota a presión que vai collendo ritmo, alento, crítica e sustancia social a medida que a situación se vai quentando e acaba liberando o seu propio vapor a base de salpicar as desgrazas dos seus tres protagonistas.