1.- As bases regulan a matrícula nos cursos de iniciación ao golf a impartir no Campo Municipal de Golf Torre de Hércules durante o ano 2019 nas seguintes quendas:

• Primeiro trimestre: xaneiro, febreiro, e marzo do 2019
• Segundo trimestre: abril, maio e xuño do 2019
• Cursos de verán: xullo e agosto do 2019
• Cuarto trimestre: outubro, novembro e decembro do 2019 

Incorpórase como Anexo I das propias bases a información correspondente aos cursos do primeiro trimestre.

En canto aos restantes trimestres, toda a información correspondente a cursos, grupos e prazos relativos ás sucesivas fases do procedemento, serán obxecto da mesma publicidade, coa autorización da Xefatura de Servizo de Deportes, como complementos desta convocatoria e co tempo suficiente para o seu desenvolvemento.

2.- A matrícula formalizarase no Campo Municipal de Golf Torre de Hércules mediante o pago das tarifas correspondentes segundo a Ordenanza Fiscal vixente. Para constituírse un grupo será necesario un mínimo de 6 persoas inscritas; en caso contrario facilitaranse outros horarios ás persoas solicitantes. 

3.- Lugar de presentación das solicitudes: A través da web da Concellaría de Deportes (www.coruna.gal/deportes) ou nas oficinas do Campo Municipal de Golf Torre de Hércules e serán tramitadas en liña. 

4.- Idade das persoas solicitantes: a idade mínima para participar nos cursos é de 6 anos. Deberá terse cumprida -ou cumprirse- a idade requirida durante o desenvolvemento do curso (infantil: de 6 a 16 anos; adultos: de 17 anos en diante). 

5.- Número de cursos por persoa: cada persoa poderá solicitar un máximo de dous cursos, pero só se poderá matricular nun único curso. Máis información nas noticias referidas a cada unha das convocatorias e no documento achegado no pé da noticia

Máis información nas noticias referidas a cada unha das convocatorias e no documento adxunto no pé da noticia