INSCRICIÓN: até o 21 de maio de 2024. As persoas aspirantes que non se acollan a realizar a proba que substitúe o requisito de titulación de bacharelato, poderán presentar solicitude até o 25 de xuño incluído.

Con carácter xeral,  as solicitudes deberán realizarse de xeito telemático cubrindo o formulario dispoñible en www.edu.xunta.gal/eas, e empregando o certificado dixital ou sistema Chave365. Para completar o proceso de inscrición, deberase presentar unha copia da solicitude xunto coa documentación requirida na Secretaría da Escola Superior de Conservación e Restauración de Bens Culturais. As persoas que só dispoñan de pasaporte deberán realizar a inscrición na secretaría da escola.

a) Persoas aspirantes que realicen as probas substitutivas de bacharelato:	b) Persoas aspirantes que non realicen as probas substitutivas de bacharelato:
23 de maio: publicación listaxe provisional inscritas. 24 e 27 de maio: reclamación á listaxe provisional. 28 de maio: publicación listaxe definitiva.	27 de xuño: publicación listaxe provisional inscritas. 28 de xuño e 1 de xullo: reclamación á listaxe provisional. 3 de xullo: publicación listaxe definitiva.

PROBA SUBSTITUTIVA DE TITULACIÓN

A proba ten por obxecto acreditar os coñecementos e a madureza en relación cos obxectivos propios do bacharelato. Será cualificada cos termos APTO ou NON APTO. As materias da proba son:

• Lingua galega e literatura. 1º exercicio será tipo test e o 2º produción dun texto escrito.
• Lingua castelá e literatura. 1º exercicio será tipo test e o 2º produción dun texto escrito.
• Lingua estranxeira (inglés ou francés). 1º exercicio será tipo test e o 2º produción dun texto escrito.
• Filosofía. 1º exercicio será tipo test e o 2º comentario a partir dun texto proposto.
• Historia de España. 1º exercicio será tipo test e o 2º comentario a partir dun texto proposto.

DATAS  E LUGAR DE REALIZACIÓN: o 30 de maio  de 2024, no IES San Clemente de Santiago de Compostela. R/ San Clemente, s/n. 15705. Tel.: 881 867 501

* Levar o DNI e copia da folla de solicitude de inscrición.

• 9.30h: presentación.
• Das 10.00-11.00h: Filosofía.
• Das 11.00-12.00h: Historia de España.
• Das 12.15-13.15h: Lingua Galega e Literatura.
• Das 13.15-14.15h: Lingua Castelá e Literatura.
• Das 16.00-17.00h: Lingua Estranxeira (inglés ou francés).

• 4 de xuño: publicación cualificacións provisorias.
• 5 e 6 de xuño: prazo de reclamacións, Escola Superior de Arte Dramática de Galicia.
• 10 de xuño: publicación cualificacións definitivas, nos centros e en www.edu.xunta.gal

PROBA ESPECÍFICA DE ACCESO

Terá como finalidade valorar a madureza,  os coñecementos e as aptitudes para cursar con aproveitamento estas ensinanzas. A proba específica de acceso constará de 2 exercicios.

- Exercicio 1. Análise dun texto relacionado cos bens culturais, nun máximo de 90 min., que terá como obxecto apreciar a madureza e formación xeral, especialmente no referente á comprensión de conceptos, utilización da linguaxe e capacidade de síntese e relación.  

A cualificación deste 1º exercicio será entre 0 e 40 puntos.

- Exercicio 2. Aptitude plástica. Constará das seguintes partes:

1. Realización dun debuxo do natural, de enfoque mimético, con modelo real, exento e inanimado. Valorarase a fidelidade na representación, a calidade do grafismo e a precisión e acabamento do traballo.
2. Realización dun traballo sobre representación de cor. Considerarase a correcta utilización das técnicas empregadas e o grao de comprensión dos valores e calidades de cor.
3. Realización dun traballo práctico para a valoración das aptitudes específicas que requiren os estudos de Conservación e Restauración de Bens Culturais. Considerarase a habilidade manual, a meticulosidade e a pulcritude na realización do traballo.

A cualificación deste 2º exercicio, será a media aritmética da puntuación obtida e cada parte, que se cualificará entre 0 e 20.

A cualificación global da proba resultará da media ponderada das cualificacións obtidas nos distintos exercicios. O 1º ponderarase nun 40% e o 2º nun 60%. Para a superación da proba esixirase unha cualificación global igual ou superior a 5.

DATAS E LUGAR DE REALIZACIÓN: o 5 de xullo de 2024 na Escola Superior de Conservación e Restauración de Bens Culturais de Galicia.

* Levar o DNI e copia da folla de solicitude de inscrición.

• 8 de xullo: publicación cualificacións provisionais.
• 9 e 10 de xullo: reclamacións.
• 15 de xullo: publicación cualificacións definitivas.