A Festa da Familia, con Teresa Rabal en directo. Cando a fantasía se converte nun musical alegre, con xogos e cancións dunha vida.
08/06/2014
Xa rematou
Teresa Rabal percorre no seu espectáculo os éxitos musicais que compoñen a banda sonora de todos os nenos de 40 anos. Actúan con ela o Ballet Duende e Ballet de Muñecos para lembrar cancións imprescindibles como: Veo, veo, De oca en oca, El tren, La pompa de jabón, El cochecito, Me pongo de pie, La muñeca Rebeca, El barco de papel, La pelota loca..., e poder xogar cos teus fillos ao mesmo tempo que lembrar a túa infancia.
Os bonecos xigantes (El Perro Napoleón, La Tortuga Tomasa, El Grillo Viruta, Paco Paperas...) bailan, sorprenden os nenos, e aos maiores achégannos a outros tempos.
Teresa Rabal lánzase a unha cadea de xogos musicais para alegrar coa súa enerxía a toda a familia: "Eu quero seguir repartindo luz e emociónanme os nenos, o noso público, os nosos fillos, a nosa familia, os nosos amigos, os nosos veciños, os nosos paisanos… a nosa xente… e por iso canto".
O disco Veo, veo, editado por Sony Music, é número 1 en venda en Alemaña, Austria ou Suíza. Agora a canción ‘El tren', tamén arrasa en Rusia e en todos os países que conforman a antiga Unión Soviética.
Entidades
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible