Esta é a historia de Helena e Xoel. Da súa fermosa amizade e da súa cidade, chea de vida, ata que un vento fantasmagórico róuballe a alegría e o amor e aproveita as deliciosas diferenzas entre as persoas para convertelas en prexuízos: o medo ao diferente, a desconfianza co veciño...
Prexuízos adultos suficientes para levantar un valo que parte a cidade en dúas, deixando a Helena ao carón e a Xoel ao outro.

A rebeldía, o enxeño e o amor que os unen serán as ferramentas para crear artimañas de comunicación e seguir así xuntos aínda que separados.
Un espectáculo no que a través da música, a arte máis grande, a danza, a máis efémera, e o teatro, a máis directa, lanzamos ao ceo unha cometa cunha mensaxe de reflexión, esperanza e insurrección.