Exposición "Recordos", do escultor Ramón Conde, no novo espazo de Víctor Rial na Coruña
Dende o 30/05/2014 ata o 30/06/2014
Xa rematou
Víctor González Rial Antigüedades creouse en 1988, creando un espazo no que as antigüidades se integran cos criterios estéticos máis actuais, realizando exposicións temporais con regularidade, como a exposición de Seoane con importantes pezas do artista. A exposición de pintura galega do XIX e o XX, a exposición homenaxe a Arturo Brea Pasín, ou a máis recente exposición de Fernando Barreira.
Nesta ocasión, o 30 de maio inaugurarase no novo espazo de Víctor Rial a exposición: "Recordos" na que o escultor Ramón Conde presenta unha importante selección de bronces. Este escultor, referente da escultura galega expuxo recentemente dúas importantes exposicións individuais no Centro Cultural da Deputación de Ourense e na Cidade da Cultura e son numerosos os seus monumentos públicos como Os redeiros de Vigo ou o Vixía na entrada da Torre de Hércules.
Víctor Rial abre así unha porta á arte contemporánea que interrelaciona coas pezas de época, creando un diálogo espacial e artístico, tendo nesta ocasión como protagonistas as obras rotundas, de Ramón Conde nas que poderemos apreciar como o artista utiliza a manifestación artística con certa influencia psicoanalística conseguindo unha simbiose entre a habilidade manual e o subsconciente.
Esta exposición conta coa colaboración de Cristina Carballedo, coordinadora de exposicións.
Entidades
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible