A Asociación de Artistas da Coruña decidiu convocar o primeiro Salón de Outono para que todas aquelas persoas socias que o desexen poidan mostrar as súas obras nunha exposición que realiza por primeira vez esta Asociación na Casa Museo Casares Quiroga.

Son máis de trinta artistas, socios desta asociación, os que expoñen nesta ocasión as súas obras. Estas reflicten as diferentes formas de entender a pintura, as diferentes sensibilidades e as múltiples variantes que pode ofrecer unha obra plástica. Son polo tanto reflexo da gran variedade de estilos que acolle no seu seo a nosa asociación.

Este certame nace cunha vocación de perpetuarse no tempo e de continuar realizando novas edicións desta mostra con carácter bianual. Con iso, e contando coa inestimable colaboración do Excmo. Concello da cidade, esta asociación pretende facilitar unha maior difusión ás obras dos seus asociados e con iso contribuír a conseguir un dos seus fins fundacionais.