Pero os nosos protagonistas atoparanse cun problema co que non contaban: debido a un estraña pero medicamente inexplicable situación, xusto ao final do seu musical e sexual encontro, o mozo non consegue sacar o seu 'aparello sexual' do interior da moza. Quedan literalmente PEGADOS. Despois dunha serie de artimañas sen éxito buscando a maneira de despegarse, deciden ir a un hospital.

E aquí é onde empeza a nosa historia. Os dous atópanse nunha mesma cama de hospital, unidos, esperando o doutor e coa única compañía dunha enfermeira que non parece darlle moita importancia ao asunto. A espera será eterna, o doutor non chegará ata o final da función. Por que? Porque casualmente o doutor é, ao mesmo tempo, o pianista do musical, e se deixa o seu sitio no piano, o espectáculo non se podería realizar.

Os dous protagonistas estarán pegados e condenados a entenderse e a coñecerse durante esa longa espera no hospital. Unha espera tensa, aloucadamente cómica e, por encima de todo, musical.