"Toc Toc" é a chamada á porta do mundo dos nen@s. Un mundo de alegría, ilusión, amizade e compañeirismo, onde non teñen cabida as guerras, e si a defensa do medio ambiente, a protección dos animais, a ilusión da chegada do Nadal, a fantasía do mundo dos piratas, e cómo, non o mundo paralelo dos nen@s: os contos, onde poden aparecer protagonistas femininas, creativas e decididas (e non nenas/mulleres inxenuas como a tradición literaria deste xénero nos presenta habitualmente) xogando así un papel máis próximo á sociedade de hoxe en día.
Tamén hai humor, como os animais que forman unha orquestra, loitas atmosféricas entre anticiclóns e borrascas, os bonecos que poden centrar a vida dos nen@s.
No terreo musical, "Toc toc" rima con rock, pop, folk e tamén soul, a alma da música moderna que partiu da tradición cultural e musical de moitos países africanos que neste caso mestúrase coa tradición musical galega. Desta última aparecen dous romances infantís O piollo e a pulga e Mazarico.

Entradas: 5 euros.

Abono 3 familiar: 12 euros.

Venda de entradas:

- Despacho da Praza de Ourense: de luns a venres de 9.30 a 13.00 h e de 16.30 a 19.30 h (pagos en efectivo)

- Despacho do Fórum: Día do espectáculo, unha hora antes de cada función (pagos en efectivo)

- Televenda: 902 504 500 - www.servinova.com