Este dato daría unha data de composición da obra un ou dous anos despois, no 188 ou no 187. Está perdida parte da obra, concretamente aquela en que se atopan Júpiter e Anfitrión.

Sinopse:
Anfitrión marchou á guerra contra os teléboas e mentres tanto, Júpiter substituíuno como marido ante a súa esposa Alcmena. A volta do marido crea unha serie de situacións traxicómicas por causa do exacto parecido entre el e Júpiter e entre o seu criado Sosia e Mercurio, xa que ambos os deuses tomaron as súas respectivas figuras.

Alcmena é acusada por Anfitrión de infidelidade polo frío recibimento que lle dispensa á súa volta, despois de pasar a noite con Júpiter, o falso Anfitrión. Despois de moitos enfados e desenfados, Bromia anuncia o desenlace co nacemento de dous nenos nun só parto. Un de Anfitrión e outro, Hércules, de Júpiter, que lle dará gloria inmortal coas súas fazañas.