"No te vistas para cenar" conta cunha repartición excepcional formada por Yolanda Arestegui, Aurora Sánchez, Cuca Escribano, Antonio Vico e Jesus Cisneros. A obra é froito da pluma dun auténtico mestre do xénero, como é Marc Camoletti, que imprime a todas as súas dramaturxias un ritmo frenético e hilarante.

Sinopse:
Fernando aproveitando que a súa muller –Mercedes- ten que ir visitar a súa nai, convida a súa amante –Susi- a pasar a fin de semana con el, e tamén a un amigo seu -Carlos- para ter unha coartada. Todo é perfecto, mesmo contratou unha cociñeira –Susana- para que non lles falte de nada. Pero as cousas non lle saen como el espera e a velada romántica acábase convertendo nunha noite moi movidiña na que todos finxen ser o que non son para evitar ser descubertos.