A arte é para Borja López Muiños unha forma de expresión á que lle dá saída a través de debuxos nos que hai quen ve influencias do cómic ou do cartelismo galego de hai décadas. Evita poñerlle etiquetas a un traballo que canaliza a través da busca persoal, da experimentación e tamén con horas de dedicación. Emprega diversos materiais para dar forma a uns debuxos nos que se perciben preocupacións sociais, “aínda que tamén hai pinturas dalgunha viaxe”, os seus debuxos xorden da experimentación, da documentación e de moito traballo. Entende a arte como un comportamento, unha manifestación dunha actitude ou un posicionamento que continuamente me fai estar re-pensando o meu lugar e preguntarme non só o por qué seguir pintando senón para qué e cómo seguir.