Nel fai un percorrido a diferentes personaxes e textos propios que viron luz en diferentes montaxes da Compañía Femme Fataleao longo destes últimos anos, dirixidos polo autor para outros actores e actrices pero que desta vez fai seus coa supervisión dun grupo de directoras expertas no xénero.
Un espectáculo especialmente concebido para o café-teatro, o teatro de sala ou o teatro en rúa e espazos non convencionais. 

SIPNOSE:

Afogado pola crise mais sen perder o sentido do humor, un mestre de cerimonias debe seguir abrindo o seu negocio para subsitir e pagar as súas débedas. Nun local bastante máis modesto e xa sen músicos, sen luces, sen corpo de baile e co pouco que escapou ao empeño no monte de piedade, á estafa das preferentes ou ó desfiuzamento do seu anterior local, o director e único supervivinte deste cabaré amosará que con actitude e con ganas o espectáculo pode continuar. Un compendio de pildoriñas de micro-cabaré nun exercicio de cinismo, humor ácido e sinceridade brutal que se convirte así nunha metáfora da situación actual e por que non… tamén personal.

GUIÓN:

Nelson Quinteiro.
Textos creados para espectáculos como “Lerchas”, “Varadas”, “As Nenas Perdidas”, “Master Class Cabaret” ou “Bonjour Bonjour!” da Compañía Femme Fatale. Sobre bases de autores como Darío Fo e Franca Rame, Eduardo Galeano ou Félix Sabroso.

DIRECCIÓN:

Nelson Quinteiro.
Colaboran na dirección escénica de cada pildora de micro_cabaré actrices como Helen Bertels (Matarile Teatro) Iria Pinheiro (Detour, Cabraret…) Sabela Amado-Rojo (mariclown, 3dtrans), Cristina Moreira, Cristina Mariño (3dtrans), María Polo, Uxía Vázquez (Compañía Femme Fatale) ou Lorena Gómez.