Na actualidade Los Gofiones está composto por 38 músicos instrumentistas e cantantes de diferentes idades, ideas, caracteres e profesións, convivindo hoxe en día seis xeracións no grupo.

Los Gofiones nace en Las Palmas de Gran Canaria o 3 de setembro de 1968 cando un grupo de mozos, amantes das tradicións do seu pobo, se reúne en El Jardín Canario (Gran Canaria) co afán de realizar labores de investigación e rescate no campo do folclore canario. Naquela reunión tamén estiveron presentes personalidades do mundo da cultura canaria como Agustín Millares, Pepe Alemán ou Cho-Juaá. Entre todos estableceron as bases do que foi, ao longo dos últimos 40 anos, un dos grupos musicais emblemáticos da cultura canaria.

Co paso do tempo, a proxección musical desta formación traspasou as fronteiras insulares. Son coñecidos dentro e fóra do territorio nacional grazas ao rigoroso traballo desenvolvido ao longo da súa xa dilatada traxectoria.