Unha viaxe pola banda sonora das nosas vidas. O formato combina a música en directo, a danza e a interpretación dos personaxes que dan vida a estas cancións; todo iso apoiado por unha gran montaxe audiovisual. Pop, rock, rumba, salsa, flamenco, soul ou jazz son o gran atractivo deste espectáculo para todos os públicos.

O director escénico, Hansel Cereza (La Fura dels Baus, Cirque du Soleil, Ballet Nacional) participou nesta montaxe que leva máis de dous anos xirando polos escenarios españois.

Dende a súa estrea en febreiro do 2011, LA FUERZA DEL DESTINO, HOMENAXE A MECANO, percorreu gran parte da xeografía española, con numerosas funcións en teatros, auditorios, prazas de touros e outros espazos escénicos. Xiraron na Rede de Teatros da Comunidade de Madrid durante dous semestres consecutivos.