Imaxina que existira unha máquina que nos levase ao futuro para poder ver en que acabará todo isto; imaxina que un personaxe malvado, horroroso (e alemán) secuestrase as nosas mentes máis brillantes e que un grupo de Bruxas doutoradas se reúnan para buscar solucións á crise. Imaxina que, como noutros tempos non tan afastados, as rúas énchensenos de voluntarios pedindo doazóns para poder manter a sanidade pública. Imaxina que para chegar a fin de mes tiveses que presentarte a todo canto casting haxa e que baixase o mesmo Xesús a poñer un pouco de orde en todo este caos... Vaia peliculón, eh?

Pois todo isto é o que Farandoleiras Cabaré che ofrece neste espectáculo, salpicado de números musicais, que pensamos e bailamos desde Oleiros, onde levamos xa uns cantos anos tentando soportar con humor o guión que nos tocou vivir.

Elenco: Antonio Doldán, Beatriz Vázquez, David Garrido, Elsa Parada, Esther Patiño, Isa Curráis, Lara Valcuerde, Manuel Candamio, María Rey, Marisol Cancio, Natalia Domínguez, Noa Vedia, Noelia Papín, Patricia Somoza, Paula Galego, Raquel Sánchez, Saleta Vázquez, Bernardino Cope, Yolanda Zapata.