Nun estudio de televisión moi peculiar grávase un documental. O mundo da maxia será a temática deste divertido programa. Pero neste estudio non funcionará todo como era de esperar... como se dalgunha chisteira saíse un simpático coello que se pasea polo estudio fará que se complique o traballo da presentadora, convertendo o estudio nun completo caos. O coello, farto de ser o típico "elemento" do mago, tratará de liberarse deste papel.

Mentres tanto unha maga ilustrará con fatásticas maxias as explicacións da excitada presentadora, ambas axudadas por un estraño home vestido de negro e rostro cuberto cunha misteriosa máscara.

Con moita maxia e comedia da man do teatro, este espectáculo levaranos a coñecer parcelas descoñecidas da historia da maxia.

ENTRADAS: 5.00 € (abono 3 familiar: 12.00 €)

VENDA DE ENTRADAS:

- Despacho da praza de Ourense: de luns a venres de 9.30 a 13 h e de 16.30 a 19.30 h (pagos en efectivo)

- Despacho do Fórum: mesmo día, dende unha hora antes (pagos en efectivo)

- Televenda: 902 504 500 e www.servinova.com