Un singular e divertido Peregrino está a percorrer o camiño de Santiago dende todos os lugares posibles para facer O camiño Inglés, O camiño Francés, O camiño por mar, etc... En cada etapa, co público, atoparase con diferentes personaxes que farán a súa viaxe inesquecible e absolutamente sorprendente. Terá que facer fronte non só ao cansazo, senón tamén ás inclemencias do tempo e demais adversidades.

Mediante o teatro, a comedia o humor e a maxia o público percorrerá o camiño ata Santiago pasando por todas as etapas que existen, vivindo unha chea de incribles e absurdas situacións.

O Peregrino Máxico é un espectáculo para nenos e adultos de idades comprendidas entre os 0 e os 99 anos. Un espectáculo con maxia, clown, mimo, malabares, danza, comedia, humor, mentalismo, etc especificamente creado para Cultura no Camiño.

Entradas: 5.00 euros / Abono 3 familiar: 12.00 euros (como mínimo un adulto e un menor)

Venda de entradas:

- Despacho da praza de Ourense: de luns a venres (excepto festivos) de 9.30 a 13 h e de 16.30 a 19.30 h (pagos en efectivo).

- Centro Sociocultural Fundación Novacaixagalicia: de luns a sábado (incluídos festivos) de 9 a 21 h.

- Despacho do Fórum: unicamente o día da función, dende unha hora antes (pagos en efectivo).

- Televenda: 902 504 500 - www.servinova.com