BOECKLIAS, unha serie de seis cadros que representan unha homenaxe ao pintor suízo Arnold Böcklin(1827-1901) que pintou cinco obras centradas na súa interpretación da "Illa dos Mortos".

Estas cinco obras e unha selección da serie aberta dende 1960 "In memoriam", dedicada a persoas falecidas na súa contorna configuran o proxecto que se exhibirá na galería.

---------------------------------------------------------------------------------------------------------------------------------

Roberto González Fernández nace en Monforte de Lemos (Lugo) en 1948. Estuda na Escola de Belas Artes de San Fernando, Madrid de 1969 a 1974. Trasládase a Edimburgo en 1977. Dende 1982 vive e traballa en Madrid e Edimburgo. En 1984 é bolseiro por “The N.Y. Foundation for the Arts”. A súa traxectoria está chea de exposicións, premios e asistencia a feiras de arte. A súa obra figura nos principais museos europeos e americanos.

Interesado pola pintura, debuxo ou fotografía, como medios para expresar ideas e sentimento, o seu estilo podería definirse como unha mestura entre formulacións conceptuais e realistas.

Dende os seus comezos móstrase interesado pola figura humana, sempre constante ao longo da súa traxectoria e o modo de reflectir pictoricamente a vida interior dos seus personaxes.

A preocupación do artista polo espazo e polo tempo faise evidente tanto no estilo narrativo da súa obra como na organización seriada do seu traballo. Cada nova invención procrea universos temporais e espaciais propios. Nos últimos anos e paralelamente á pintura desenvolveu, a través de técnicas innovadoras, numerosas series realizadas exclusivamente para a súa páxina web.

http://www.r-gonzalezfernandez.com/

Se o prefiren atoparán máis datos e fotografías en: http://pardobazantres.blogspot.com/