Dentro da escola atopábanse 90 activistas, a maioría estudantes europeos, e un grupo de xornalistas estranxeiros, todos eles preparándose para pasar alí a noite. Cando a policía irrompeu, os mozos manifestantes levantaron as mans en sinal de rendición. Impertérritos, os oficiais descargaron unha violencia calculada e frenética, golpeando indiscriminadamente a mozos e maiores, homes e mulleres. "Díaz: No limpiéis esta sangre", reconstrúe os feitos deses terribles días dende o punto de vista da policía, os manifestantes, as vítimas e os xornalistas que se viron atrapados na traxedia para analizar como a frustración pode explotar en violencia crúa e incontrolada. A forma de rodar de Vicari, visceral, dinámica, lanza o espectador ao escuro corazón da política e lémbranos mediante a inclusión de imaxes reais que poida que esta sexa unha película, pero non é ficción.

 

Francia, Italia, 2012- 120 min

V.O.S. en castelán

NON RECOMENDADA PARA MENORES DE 16 ANOS

Formato: 35 mm

 

Funcións: xoves 8: 20.30 h, venres 9: 20.30 h e sábado 10: 17.30 e 20.30 h.

* Venres 9, charla - coloquio con: Javier Fernández (activista social)

 

Entradas: 3 euros (carné xove, + 65 anos, desempregados: 2 euros).

Venda de entradas: en despacho de entradas dende media hora antes.

Venda anticipada: no ambigú, de luns a venres de 9.30 a 13 h e de 16.30 a 20.30 h.