"Carmen", baseada nunha novela de Prosper Merimée, levou á fama a Georges Bizet, un novo compositor gañador de moitos premios, pero que apenas chegou a gozar dese éxito que o levou á fama internacional, debido á súa morte tres meses despois da estrea.

A acción desenvólvese en Sevilla a finais do Século XIX. Fábrica de Tabacos. Carmen, a cigarreira, establece unha pelexa con Manuelita no interior da Fábrica de Tabacos, cortándolle a cara e motivando a súa detención por parte do tenente Zúñiga, quen encarga a don José, cabo do Rexemento de Dragóns de Alcalá, o seu traslado a prisión. Carmen seduce a don José, quen procura a súa liberación, polo que é arrestado e degradado. Tempo máis tarde, Carmen atópase na taberna de Lillias Pastia, onde se citou con don José. Aparece o Toureiro Escamillo, do que Carmen se prenda. Tras diversos avatares, na praza na que tourea Escamillo, Carmen atópase con don José e decide dar por terminada a súa relación, devolvéndolle o anel que este lle regalou en proba de amor. Don José, cegado polos celos e, mentres o público da praza vitorea a Escamillo, afunde o seu puñal no corpo de Carmen, e cáusalle a morte.