A memoria musical é, sen dúbida, unha memoria emocional, sentimental. De aí que existan cancións que permanecen vivas no tempo e sexan universais.

O que Mon Santiso e Compañía propoñen é facer intelixibles, a un público heteroxéneo, as letras de certas cancións emblemáticas e de diversas épocas e países, mantendo, por suposto, as súas respectivas composicións musicais. Para iso, todas as letras van traducidas ao galego, excepto as escritas en portugués e brasileiro. A maneira de expresar estas letras, e polo tanto de facelas máis comprensibles, é recitándoas.

Compoñen o grupo: Mon Santiso, Eva Veiga, Marcos Seoane (violín), Zita Tanasescu (piano), Gabriel Tanasescu (violonchelo).