Nunca dous espectadores responden igual, nin pensan igual, Blake ten que adaptarse, o ritmo márcao o espectador, o deseño do espectáculo tamén, a resolución, só en mans de Blake.

Unha cámara negra, unha mesa, un taburete, unha luz discreta, intimista, misteriosa, unha música suxestiva e ás veces inquietante e unha voz envolvente que te arrastra aos recunchos dos teus pensamentos, Blake non le a mente, le, interpreta, manipula os teus pensamentos, e todo iso a moi curta distancia.
Diferentes lugares en cada ocasión, diferentes espazos, escenarios, medios técnicos; unha nova idea próxima, intimista, sinxelamente xenial.
Non lle deas máis voltas, Blake vaino saber, non te poñas nervioso, Blake vaino notar, sae ao escenario, Blake vaite sorprender.

E ao final de todo isto, cando xa esteas na rúa, seguirá resoando nos teus oídos a frase, esa frase que todo o remata: "E lembren, todo o que viron, foi produto da súa imaxinacion, non lle dean máis voltas, non ten sentido".