"Blake + alá da imaxinación" é unha nova experiencia, Blake é imprevisible, Blake é o jazz da maxia da mente, do mentalismo, das ilusións mentais. 29 anos de vida desenvolvendo novas ideas e presentacións, un repaso por estes anos, unha improvisación permanente, nunca dous días da túa vida son iguais, en Blake ocorre o mesmo.
Unha cámara negra, unha mesa, un taburete, unha luz discreta, intimista, misteriosa, unha música suxestiva e ás veces inquietante e unha voz envolvente que te arrastra aos recunchos dos teus pensamentos, Blake non le a mente, le, interpreta, manipula os teus pensamentos, e todo iso a moi curta distancia.
Diferentes lugares en cada ocasión, diferentes espazos, escenarios, medios técnicos; unha nova idea próxima, intimista, sinxelamente xenial.
Non lle deas máis voltas, Blake vaino saber, non te poñas nervioso, Blake vaino notar, sae ao escenario, Blake vaite sorprender.
E ao final de todo isto, cando xa esteas na rúa, seguirá resoando nos teus oídos a frase, esa frase que todo o remata: "E lembren, todo o que viron, foi produto da súa imaxinacion, non lle dean máis voltas, non ten sentido".
Entidades
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible