Alex Katz (Nova York, 1927) é considerado a miúdo como un dos precursores da arte pop. Certo é que coincide con este movemento no seu interese pola realidade cotiá. Pero faino do mesmo xeito circunstancial no que, por exemplo, coincide coa action painting no uso do gran formato. En realidade, Katz traza o seu propio camiño na gran historia da pintura norteamericana do século XX.

Un camiño que, a comezos do novo século, foi reivindicado en todo o mundo polos abandeirados dunha nova figuración pictórica. A súa obra forma parte das máis importantes coleccións artísticas de ambas as beiras do Atlántico, entre elas as do MoMA, o Whitney Museum, o Metropolitan Museum, o Centre Georges Pompidou, a Tate Gallery ou o Museo Reina Sofía.

Máis información da exposición.