Concello da Coruña

Concello da Coruña

Programa de Lecer primavera 2020 (Fórum Metropolitano)

O PROGRAMA DE LECER DE PRIMAVERA 2020 vén cargado de propostas con actividades que impulsan a formación con accións culturalmente enriquecedoras que utilizan a cidade e todos os recursos que esta nos ofrece.

A quen vai dirixido:

Para público en xeral

Cando:

Dende o 13/01/2020 ata o 31/01/2020

Xa rematou

Enderezo:

Fórum Metropolitano. Rúa Río Monelos 1. 15006 A Coruña

Prezo:

30,00 € por obradoiro (maiores de 65 anos: 21,00 €)

* Excepto o obradoiro "Coruña en familia": 20,00 € por participante (Bono Familiar de 50,00 € para 3 persoas, unha adulta e dúas menores ou dúas adultas e unha menor).

Organiza:

IMCE

Documentos:

Dossier Lecer Primavera 2020 Fórum Metropolitano (574 KB)

Listado adxudicación prazas Fórum Metropolitano (167 KB)

INSCRICIÓN DE CONTINUIDADE:

Para as persoas que asistiron nas sesións do outono ao mesmo obradoiro que desexan inscribirse, cun mínimo do 50% da súa duración.Os días 13, 14 e 15 de xaneiro na conserxaría do Forum, de 9.00 a 14.00 e de 16.00 a 20.00 h.Formalizarán a súa inscrición no momento de aboaren en efectivo a cota correspondente.

PREINSCRICIÓN PARA NOVOS OBRADOIROS E PARA AS PRAZAS VACANTES DOS OBRADOIROS DE CONTINUIDADE: Presencial: os días 13, 14 e 15 de xaneiro, na conserxaría do Forum, de 9.00 a 14.00 e de 16.00 a 20.00 h, ou Por vía telemática: na páxina www.coruna.gal/cultura dende ás 9.00 h do día 13 até as 20.00 h do día 15 de xaneiro.

Neste caso, será recomendable gardar unha copia dixital da inscrición co fin de corrixir os erros que se puideren producir. É importante escoller só unha das dúas opcións, xa que, no caso de ter preinscricións duplicadas, se anularán.

Cada persoa solicitante poderá solicitar ata catro obradoiros na ficha; deberase ter en conta que na adxudicación se respectará a orde de preferencia fixada pola persoa solicitante e esta non poderá ser modificada unha vez que se realice o sorteo.

SORTEO PÚBLICO: O xoves 16 de xaneiro, ás 10.00 h, na conserxaría do Fórum Metropolitano.

As 9.00 h publicarase o número de prazas vacantes nos obradoiros de continuidade e as prazas dos novos obradoiros obxecto do sorteo.

Adxudicación do núm. de preinscrición para o sorteo:

  • Na preinscrición presencial, adxudicaráselle directamente a cada solicitude.

Na preinscrición telemática, adxudicarase ao remate de cada unha das franxas horarias presenciais. Non se enviará o número de sorteo por correo electrónico. Ás 9.00 h do 16 de xaneiro, publicarase a listaxe das preinscricións telemáticas co seu número de sorteo xunto co DNI facilitado. 

Fórum Metropolitano. Adxudicación números online

* NÚMERO RESULTANTE DO SORTEO 893

ADXUDICACIÓN DE PRAZAS:

A partir do número extraído no sorteo, asignaranse as prazas dispoñibles en cada obradoiro. Outorgaráselle ao maior número de persoas, cando menos, un obradoiro.As listaxes das prazas adxudicadas de cada obradoiro publicaranse o luns 20 de xaneiro, a partir das 9.00 h, no Fórum Metropolitano, no servizo telefónico 010 e neste enlace

  • ABONO DOS OBRADOIROS:

Os días 20, 21 e 22 de xaneiro na conserxaría do Fórum Metropolitano, de 9.00 a 14.00 h e de 16.00 a 20.00 h.

As prazas adxudicadas só poderán ser ocupadas polas persoas agraciadas no sorteo, que deberán pagar en efectivo o importe do obradoiro correspondente. As prazas non aboadas durante estes días adxudicaránselles ás persoas en listaxe de agarda. 

  • LISTAXES DE AGARDA:

As persoas en listaxes de agarda dun obradoiro terán preferencia en ocuparen as prazas non pagadas de cada obradoiro, que serán adxudicadas pola orde do sorteo. E terán preferencia aquelas persoas que non obtivesen ningunha praza na primeira adxudicación.

  • O 27 de xaneiro contactaremos vía telefónica coas persoas que estean nas listaxes de agarda, para saber se continúan interesadas en inscribirse nos obradoiros que solicitaran. Realizaranse tres intentos de contacto a diferentes horas; de non conseguir a comunicación pasarase á seguinte persoa da listaxe de agarda. As persoas interesadas formalizarán a súa inscrición o 28 de xaneiro, aboando en efectivo a cota correspondente, nos horarios indicados anteriormente.

Realizaremos unha segunda rolda de chamadas o 29 de xaneiro e as persoas interesadas formalizarán a súa inscrición o 30 de xaneiro, aboando en efectivo a cota correspondente, nos horarios indicados anteriormente. 

PRAZAS VACANTES:

A partir do 31 de xaneiro poranse a disposición do público en xeral as prazas vacantes, nas que poderán inscribirse e pagar en efectivo, nos horarios indicados anteriormente.

Buscas algo concreto?

Datas

Escolla período ou rango de datas:

Dende:

Ata:

Opcións

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión