Un encontro protagonizado por agrupacións corais dedicadas a preservar a historia da música coral en Galicia. Neste 3º concerto, coa actuación de Toxos e Froles e Cántigas da Terra.
24/11/2013, de 19:00 a 20:30
Xa rematou
19.00 h.
hora e media
3,00 € (carné xove, + 65 anos, desempregados e socios de Cántigas da Terra: 2.00 €)
Venda de entradas:
- Despacho da Pza. de Ourense: de luns a venres, de 9.30 a 13.00 e de 16.30 a 19.30 h (pago en efectivo)
- Despacho do Ágora: o día do concerto dende 1 h antes (pago en efectivo).
- Televenda: 902 504 500 - www.servinova.com
Hai xa 130 anos que Pontevedra veu nacer o primeiro Coro Galego. Aos poucos, ducias de vilas galegas fóronse sumando a esta proposta de reivindicación do noso patrimonio musical, grazas en gran medida ao impulso das Irmandades da Fala.
Nacían así Cántigas e Aturuxos en Lugo, A Artística en Vigo, Os Enxebres en Ourense, Viva o Ribeiro! en Ribadavia, A Foliada en Noia, Airiños do Ulla na Estrada, A Troula en Sada... e tamén, os catro coros históricos que chegan aos nosos días.
Nove anos despois da primeira edición, seguimos celebrando o xerme de emoción pola Terra con tres domingos moi especiais e ao longo de tres concertos: o 20 de outubro, o 10 e 24 de novembro.
Neste terceiro concerto, Toxos e Froles, decano dos Coros Galegos, alegra os corazóns coas melodías tradicionais da comarca ferrolá. Ademais, como broche de ouro a esta novena edición, o pianista José Manuel Yáñez Carballeira e a soprano Victoria Álvarez Acón interpretan temas galegos, profundando na memoria do movemento orfeonístico do século XIX, precursores dos Coros Galegos. E para rematar, Cántigas da Terra.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible