Baseado nunha experiencia levada a cabo por profesionais en EE.UU. e dirixido polo experto en cómic Henrique Torreiro.

Estamos ante un taller creativo e experimental para asistentes con coñecementos avanzados ou afeccionados que queiran profundar nos recursos e posibilidades narrativas do cómic como medio de comunicación.

A maior parte do taller son exercicios prácticos de enxeño e destreza mental que xogan coa capacidade creativa dos asistentes.

Henrique Torreiro

Infatigable promotor da “banda deseñada”, é un dos maiores expertos en BD de Galicia e unha das persoas clave nas Xornadas de Ourense, ademais de exercer de xestor cultural en diversas iniciativas e publicacións.

Xerente da Federación de Asociacións de Ilustradores Profesionais de España (FADIP). Foi membro do Colectivo Phanzynex de Ourense, e aínda que é máis coñecido como experto en BD que como autor, tamén participou nos números 3 e 4 de Frente Comixario e no Spesial Pelengrin, ademais de realizar portadas e logos para diversas exposicións de fanzines que fixeron anualmente en Ourense. Así mesmo realizou colaboracións coas revistas Bravú, Unicomercio, Anima+l e Ovo. Asinou en ocasións co pseudónimo de Aich .

Encárgase da organización anual das Xornadas de Banda Deseñada de Ourense e colaborou co Festival de Cinema da mesma cidade.

Actualmente colabora no equipo de redacción e revisión de textos da editorial de banda deseñada coruñesa Demo Editorial.

Para inscribirvos só tedes que premer (unha vez que se abra o prazo de inscrición) no seguinte enlace www.coruna.es/nex