SÁBADO 15

Teatro "A súa vida". Compañía Leda Teatro. 17.00 h.

Leda teatro presenta unha obra dedicada aos máis pequenos. Público infantil.

Gala de comedia (monolinguistas). 21.00 h.

Ata seis monologuistas subirán ao escenario para facer unha noite inesquecible. Pedro Brandariz, Pablo Chichas, Tito Rober, José Luís Míguez, Jose Erre e Igor Vizoso.

DOMINGO 16

Teatro "Pinceladas de humor". Compañía Tanxedoira. 18.30 h.

A compañía Tanxedoira bríndanos unha velada de teatro cómico. Todos os públicos.

Teatro "Gaiola". Compañía Ruiseñor. 19.30 h. PÚBLICO ADULTO

Gaiola conta o trastorno mental dunha muller, traumatizada, tras anos de abusos continuos, primeiro como testemuña e logo nas súas propias carnes. O segredo e a submisión da súa nai, leva a nosa protagonista a pasar a maior parte da súa infancia encerrada para evitar a ira do seu proxenitor, causando nela inseguridade e medo a enfrontarse ao mundo que a rodea.

Na súa idade adulta, espello da súa nai, atopa na súa parella a sombra negra tan temida do seu pai, entrando nun bucle de terror sen saída. A súa fraxilidade mental e trastorno de personalidade conduciraa por un camiño de vida ou morte sen retorno... "cando a integridade rompe, o mellor refuxio é o encerro voluntario".