Inspirada nun feito real, "Tierra del fuego" conta a historia dunha ex-azafata israelí, vítima dun atentado no que resultou ferida e a súa mellor amiga morta. 22 anos despois decide visitar e encontrarse co terrorista autor do atentado, que está detido nunha prisión de Londres, condenado a cadea perpetua.

O relato proponse reflexionar sobre a necesidade de escoitar a historia do outro, do inimigo, como condición necesaria para iniciar un diálogo. E comezar a esbozar a paz e a convivencia pacífica como posibilidade. Unha proposta para reflexionar sobre as causas e consecuencias da violencia política militar, nunha das zonas máis quentes do planeta. E sobre o lugar do diálogo e a palabra como medio para a convivencia pacífica e a xustiza.

Unha historia relevante para o noso tempo cuxo significado excede o limitado contorno do conflito do Medio Oriente.

Con Alicia Borrachero, Ben Temple, Abdelatif Hwidar, Juan Calot, Malena Gutiérrez, Hamid Krim

Dirección: Claudio Tolcachir

Producciones Teatrales Contemporáneas S.L.

Venda de entradas:

Despacho Central: praza de Ourense: de luns a venres de 9.30 a 13 e de 16.30 a 19.30 h

Despacho do Teatro Rosalía: só días de función de 16 a 20 h

Venda telefónica: 902 044 226