Concello da Coruña

Concello da Coruña

Cando:

10 de maio de 2019

A Coruña acolle ata o vindeiro domingo o festival de artes escénicas pola diversidade afectivo sexual Corufest

O evento, que conta co apoio da Concellería de Culturas, programa os espectáculo 'Miguel de Molina, Al Desnudo', 'Closet' e a comedia 'Generation Why', ademais dun concerto de Putochinomaricón

A Coruña acolle esta fin de semana o Festival das artes escénicas pola diversidade afectivo sexual, o Corufest, que conta co apoio da Concellería de Culturas, Deporte e Coñecemento que encabeza José Manuel Sande. O festival, que aposta pola programación de accións para dar visibilidade á liberdade afectivo-sexual e impulsar un espazo de reflexión, diálogo cultural e inclusión social, ten como escenarios a Fundación Luis Seoane, o Teatro Colón e o Rosalía de Castro.

A oferta iniciouse o día 9  e rematará o vindeiro domingo. O Teatro Colón acollerá esta noite, ás 20.30 horas, o espectáculo Miguel de Molina, Al Desnudo. Tamén neste espazo, pero o sábado 11 haberá dúas funcións. A primeira, que comeza ás 20.00 horas, será a de Closet, da asociación ALAS, á que seguirá o concerto de Putochinomaricón, ás 21.00 horas. A comedia contemporánea Generation Why será o peche do festival, o día 12 de maio, no teatro Rosalía de Castro.

As actuacións do Teatro Colón teñen un prezo de 10 euros. O espectáculo do Rosalía de Castro custa 14 euros na tarifa xeral, pero existen tamén prezos cos descontos habituais neste recinto municipal.   

Buscas algo concreto?

Datas

Escolla período ou rango de datas:

Dende:

Ata:

Opcións

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión