Charlas e debates
Persoas adultas, Xuvenil
14/11/2016
Xa rematou
De 19 a 20:00 horas
Biblioteca Municipal Fórum Metropolitano. Rúa Río Monelos 1. 15006 A Coruña
981184298
Charla organizada pola AVV. dos Castros e a Agrupación Cultural Alexandre Bóveda.
Do luns 7 ao 14 de novembro estará no vestíbulo do Forum a exposición "A Granxa Agrícola de Monelos (1888-1964)" que fai un percorrido por este centro experimental que foi un foco de ciencia básica e aplicada e un centro de dinamización social e sensibilización sobre temas agrarios. A inauguración da exposición será o luns 7 ás 19:30 h. e nela participará a xente do obradoiro "Eu cantar, cantar, cantei .."
O último día da exposición, luns 14, faremos unha charla informativa ás 19:00 h. na Biblioteca Fórum con Xosé Antón Fraga, estudoso da historia da Ciencia en Galiza e un dos comisarios desta exposición.
Xosé A. Fraga Vázquez
Doutor en Bioloxía. Catedrático de Bioloxía e Xeoloxía e director (I.E. S. Monelos- A Coruña), ata 2008. Director dos Museos Científicos Coruñeses (xuño 2008-xullo 2011). Na actualidade dirixe o Álbum da Ciencia do Consello da Cultura Galega.
Académico correspondente da Real Academia Galega, é membro numerario e da Xunta Directiva do Instituto José Cornide de Estudios Coruñeses, da Xunta Reitora do Seminario de Estudos Galegos e da Sección de Ciencia, Natureza e Sociedade do Consello da Cultura Galega. Pertence ao Consello de Editorial e Científico de Llull, revista da Sociedad Española de Historia de las Ciencias.
Autor de numerosas investigacións e máis de cen publicacións sobre temas relacionados coa cultura científica (educación, historia, divulgación). Colabora co xornal La Opinión de A Coruña coa publicación dos "episodios da cultura científica".
Queres saber ...
En que consisten as charlas?
Soas ou en colaboración, as bibliotecas organizan charlas, conferencias, debates. Poden ser unha boa opción para achegarse a un tema de actualidade ou de interese xeral, e unha alternativa máis para descubrir cousas novas ou afondar nas que xa coñeces, para alimentar a reflexión persoal e/ou debater e compartir con outras persoas.
Colaboramos con expertos, programamos con entidades e asociacións da nosa contorna, especializadas en ámbitos diversos e ademais, recollemos todas as suxestións que nos chegan para mellorar a oferta día a día.
Para quen queira seguir pescudando procuramos seleccionar todo tipo de materiais: libros, revistas, documentais, recursos web etc. relacionados e ofrecelos en forma de guías de lectura, mostras, seleccións de recursos ou nos centros de interese que atoparás nas bibliotecas.
Se hai algún tema que che interese, se pertences a unha organización especializada en algo concreto e queres difundir o seu coñecemento e a súa actividade, ou se sabes dun tema e estráñalo na oferta das bibliotecas envíanos a túa proposta, axudaranos.
Máis informaciónPrazas esgotadas e lista de espera activa? Apúntate! Explicámosche por que. + info
Para o correcto desenvolvemento e aproveitamento das actividades rógase puntualidade xa que non se poderá acceder ao espazo pasados 5 minutos da hora de inicio.
No transcurso de todas as actividades o persoal bibliotecario realiza fotografías co obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.
Se non desexas saír nestas fotografías, por favor, fala connosco antes do inicio da actividade.
Escribe a palabra ou palabras que desexas buscar:
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible