Farase cun dúo de escritores chegados dende a Ucraína e a Costa da Morte: Ostap Slyvynsky e Rafa Villar, dúas voces capaces de abordar os acontecementos contemporáneos coa mesma delicadeza e capacidade de evocación. O primeiro (Lviv, 1978) é poeta, crítico literario, profesor universitario, ensaísta e tradutor do búlgaro, inglés, macedonio, polaco e ruso, mentres que Villar (Cee, 1968) é unha das cabezas visibles da Xeración dos 90, do Batallón Literario da Costa da Morte, da editorial Letras de Cal e da plataforma Nunca máis.