Falar de Pseudolo é falar, probablemente, da mellor e máis característica das comedias de Plauto, (séculos II-III a. C.) ten unha trama tópica, cuxo motivo central é o engano levado a cabo por un escravo contra unha traficante de mulleres chamada Baliona para arrebatarlle unha cortesá amada polo seu amo e que fora vendida a un soldado.

O mozo Calidoro ama apaixonadamente a Fenicia, unha cortesá que pertence ao traficante de mulleres chamada Baliona, pero non só carece de diñeiro necesario para rescatala, senón que, para maior desesperación, por unha carta da propia Fenicia, descobre que a súa amada fora vendida por vinte moedas a un soldado. Este xa pagou quince a conta e a Baliona só espera que un mensaxeiro seu, debidamente acreditado por un contrasinal, lle aboe as cinco restantes, para entregarlle a rapariga. O prazo fixado para a entrega expira, precisamente, aquel mesmo día. Na súa impotencia, Calidoro acode ao seu escravo Pseudolo, que lle promete solemnemente ao seu amo quitarlle a cortesá á escravista ou conseguir as vinte moedas necesarias para o pagamento do rescate.

Presume xa Pseudolo de ter un marabilloso plan madurando na súa cabeza, cando a oportuna chegada de Garras, un mensaxeiro con problemas de pronuncia, o mensaxeiro do soldado, vaille obrigar a abandonalo e forxar outro sobre a marcha.

VENDA DE LOCALIDADES:

Despacho Central da praza de Ourense: de luns a venres (excepto festivos) de 9.30 a 13.00 e de 16.30 a 19.30 h.

Despacho do Ágora: aberto só días de función desde unha hora antes (só se hai localidades dispoñibles)

Televenda: 902 044 226 (de luns a venres de 9.00 a 22.00 h; sábados de 14.00 a 22.00 h; domingos de 16.00 a 21.00 h) - web