A banda vén precedida polo éxito da anterior xira española no 2013, na que o seu show foi visto en oito cidades por máis de 40.000 espectadores, e cun éxito rotundo de crítica e público.

Despois da exitosa e multitudinaria prexira estival deste ano, ampliáronse datas para outubro e novembro, incluíndo entre elas, a que se realizará o próximo 22 de novembro, no Coliseum da Coruña.

Con máis de tres millóns de espectadores por todo o mundo, God Save The Queen-(DSR) regresa esta vez, coa tournée mundial "The Show Must Go On".

Unha ambiciosa produción, para un grandioso espectáculo que recompilará os Greatest Hits dos rockeiros británicos.

O currículo de God Save The Queen - (DSR) conta con momentos indelebles como o de ter sido eloxiados por Jer Bulsara, (nai de Freddie), durante a realización do Freddie Mercury Memorial Day en Montreux, no 2006.

Outro momento emocionante para o grupo foi, cando Brian May, o guitarrista da banda orixinal, nos sorprendeu mentres ensaiaban para un show e quixo coñecelos persoalmente e darlles alí mesmo o seu beneplácito.

Tamén, Peter Freestone (secretario persoal de Freddie), Jacky Smith (presidenta do
fan-club oficial de Queen), ou Jim Beach (empresario de Queen), recoñeceron publicamente que GSTQ/DSR é a banda que mellor tributo rende a Queen.

O lendario son orixinal e a impresionante semellanza física e vogal de PABLO PADÍN con Freddie Mercury, faranlles revivir aos espectadores os momentos máis importantes da historia musical da mítica banda londiniense.

Aqueles que xamais tiveron a oportunidade de gozar de Queen en directo, non deben perder este emocionante espectáculo, que lles fará vibrar, como se estivesen vendo a banda orixinal...

Entradas:

- Pista de pé: 29,00 euros

- Bancada: 32,00 euros

Venda de entradas:

• Despacho da Pza. de Ourense: de luns a venres, de 9.30 a 13.00 e de 16.30 a 19.30 h (pago en efectivo)
• Despacho do Coliseum: o mesmo día do concerto dende as 17.00 h (pago en efectivo)
• Despacho do Centro Sociocultural A Fundación: de luns a sábado e días festivos de 9.00 a 21.00 h (pago en efectivo ou con tarxeta)
• Televenda: 902 504 500 (de luns a sábado, de 8.00 a 22.00 h) - www.servinova.com