"Salón Otto" procura ese refuxio humano de solidariedade, de abrigo e recollemento fronte ás realidades a priori máis adversas. Recrea eses espazos de acougo, liberadores de encontros fugaces; ese punto concreto que serve de fogar para a linguaxe, como único fogar humano, como expresa John Berger na súa obra. Coa esperanza entre os dentes. Os recordos non escarban no pasado, forman parte dun presente que se dilata ou acelera en función das inquietudes e emocións dos personaxes, construíndo paisaxes internas para transformalos en contextos de comunicación, en posibilidades. Trasladamos a un feito anterior da nosa historia pretende renacer no presente xa modificado, alentado de rabia, amor, esperanza e celebración da vida.

"Salón Otto" é a espera e a esperanza, un alento, pero non o último.

Con: Teresa Navarrete, Nando Pérez, Montgomery.

Venda de entradas:

Despacho Central, Praza de Ourense: de luns a venres (excepto festivos) de 9.30 a 13 e de 16.30 a 19.30 h.

Centro Sociocultural Fundación Novacaixagalicia: de luns a sábado (incluídos festivos) de 9 a 21 h.

Despacho do Teatro Rosalía: só días de función de 12 a 14 e de 18 a 20 h.

Venda telefónica: 902 504 500.