Son actividades deportivas, artísticas, audiovisuais, recreativas etc., boa parte preparadas por asociacións e colectivos xuvenís coa única finalidade de que pases un momento agradable e divertido coa túa xente e con outras persoas.
 
CÓMO FAGO PARA PARTICIPAR EN NOCTURNIA
 
1. Bótaslles un ollo a todas as actividades. Mira as que sexan para a túa idade. Lembra que son para mocidade de 12 a 30 anos, aínda que algunhas poden concretar máis as idades dentro deste tramo.
 
2. Mira as datas, os lugares e as horas en que teñen lugar. Fíxate tamén no número de sesións.
 
3. Sabes onde está cada espazo? Poñémosche os enderezos para que non te perdas.
 
4. Se xa sabes a cales ir, INSCRÍBESTE!
 
Ah! Se as actividades son de continuidade, só tes que inscribirte unha vez.
 
 
*Inscrición nas actividades: do 26/02/2013 ás 00.00 ao 01/03/2013 ás 12.00 h.
 
IMPORTANTE: non esquezas traer o teu DNI ás distintas actividades en que te inscribas.
 
Se es menor de idade, lembra que tes que traer impresa a autorización materna ou paterna (descargar aquí), ademais da copia do DNI da persoa que autoriza.
 
E, por último, para as actividades que precisen algo específico (roupa cómoda ou deportiva, bañador e gorro...) enviarémosche un correo electrónico ou SMS indicándocho.
 
 
 
SE TEÑO MÁIS DÚBIDAS?
 
Podes preguntalas a través do enderezo electrónico nocturniacoruna@gmail.com

Na medida do posible intentarémoschas resolver o antes posible; e podes consultar o blog do programa: http://nocturniacoruna.blogspot.com