Dereitos e deberes do consumidor

Obxectivo: ofrecer a información necesaria para que os/as consumidores/as coñezan e saiban como exercer os seus dereitos e deberes.

Talleres relacionados:

Cales son os nosos dereitos?

Duración: 1 h.

Idade recomendada: mestres, nais e pais de alumnos, asociacións e alumnos de Bacharelato e de Formación Profesional.

Obxectivos:

  • Coñecer os dereitos dos consumidores e usuarios.
  • Adoptar elementos de todo tipo que lles permitan situarse ante a sociedade como consumidores/as conscientes, críticos/as, responsables e solidarios/as.
  • Adoptar decisións de compra responsables.

Descrición:

Mediante un audiovisual interactivo, os participantes coñecerán os dereitos e deberes básicos dos consumidores e como facer uso deles.

Outros contidos relacionados

Aprender a reclamar

Duración: 1 h.

Idade recomendada: mestres, nais e pais de alumnos, asociacións e alumnos de Bacharelato e de Formación Profesional.

Obxectivos:

  • Coñecer as diferentes formas de reclamar e como facelo correctamente.
  • Saber as diferenzas existentes entre as consultas, as reclamacións, as denuncias e a petición de arbitraxe.
  • Saber cubrir unha folla de reclamacións.

Descrición:

Desenvolvemos este taller como un xogo de simulación no que cada un dos participantes ten un papel determinado: comerciante, consumidor, policía municipal e técnico de consumo. Durante esta actividade aprenden a cubrir unha folla de reclamacións, a saber actuar en caso de que un comercio non dispoña de follas de reclamación ou a solicitar un proceso de arbitraxe.

Outros contidos relacionados

Infórmate na Omic

Unha consumidora solicita información para reclamar na Oficina Municipal de Información ao Consumidor.

Duración: 1 h.

Idade recomendada: mestres, nais e pais de alumnos, asociacións e alumnos de Bacharelato e de Formación Profesional.

Obxectivos:

  • Coñecer a estrutura e o funcionamento das diferentes institucións de consumo.
  • Saber diferenciar entre Direccións Xerais de Consumo, OMICs e Organizacións de Consumidores.
  • Saber onde se debe acudir para pedir información preventiva en caso de ter algún problema como consumidores e/ou usuarios.

Descrición:

Mediante unha curta explicación dos diferentes organismos que velan polos dereitos dos consumidores e usuarios, realizarase un xogo de roles no que se representarán as distintas institucións. Propoñeranse diferentes situacións nas que un consumidor terá que escoller a institución adecuada ao caso, recompilando a información necesaria para liquidar o problema.

Arbitraxe de consumo

Ficha práctica dun taller de arbitraxe de consumo.

Duración: 1 h.

Idade recomendada: mestres, nais e pais de alumnos, asociacións e alumnos de Bacharelato e de Formación Profesional.

Obxectivos:

  • Coñecer que é o Sistema Arbitral de Consumo, as súas funcións e características.
  • Coñecer o procedemento seguido nunha Audiencia de Arbitraxe de consumo, a través dun xogo de simulación.
  • Desenvolver unha actitude positiva ante esta vía de reclamación.

Descrición:

Despois dunha pequena presentación do Sistema Arbitral e as súas características, os participantes realizarán un xogo no que representarán as distintas partes que interveñen no Sistema Arbitral (Presidencia do Colexio, árbitros, consumidor e empresario).

Outros contidos relacionados