Oficina Municipal de Información ao Consumidor

Anuncios e publicidade en televisión

Duración: 1 h.

Idade recomendada: EPO e ESO.

Obxectivos:

-Coñecer as características e elementos principais dun anuncio de publicidade.

-Potenciar unha actitude positiva cara á análise crítica de calquera medio de publicidade, en especial a publicidade na televisión.

-Saber realizar unha análise básica de anuncios que se emiten na televisión.

Descrición:

Despois de realizar unha introdución á publicidade e os seus elementos máis representativos, realizarase unha análise de diferentes anuncios publicitarios, analizando todo o aprendido anteriormente. Posteriormente terán que elaborar un anuncio publicitario tendo en conta as características da publicidade na televisión.

Anuncios e publicidade na prensa e na rúa

Duración: 1 h.

Idade recomendada: EPO e ESO.

Obxectivos:

• Coñecer as técnicas básicas dos carteis e os seus obxectivos.
• Ser conscientes de que cada cartel ten unha intencionalidade determinada.

Descrición:

Os participantes observan e seleccionan de entre varios carteis, os tres que máis lles agradan.

Encherán unha ficha coas súas impresións sobre os carteis escollidos. Finalmente explicaráselles a finalidade de cada un dos elementos dos carteis, realizaranse comparacións por sexo, gustos etc.

Coñece os teus sentidos

Idade recomendada: Educación Infantil.

Obxectivos:

• Coñecer os sentidos mediante xogos interactivos.
• Coñecer, mediante xogos, as diferentes técnicas de mercadotecnia.

Descrición:

Tras unha explicación didáctica e divertida dos sentidos, os participantes aprenden, de forma moi sinxela, a diferenciar olores, texturas, sabores empregando as técnicas de mercadotecnia máis empregadas no mercado.

Investigando unha tenda

Duración: 1 h.

Idade recomendada: EPO.

Obxectivos:

• Coñecer as características e normas que debe cumprir un establecemento comercial.
• Comparar diferentes tipos de tendas coa finalidade de recoñecer cal é a tenda perfecta.

Descrición:

Os participantes decoran diferentes zonas da aula coa finalidade de facer diferentes “tendas”. Escollerán de entre todas as opcións cal é a que reúne todos os requisitos, é dicir, a “tenda perfecta”.

Escaparatismo

Duración: 1 h.

Idade recomendada: ESO, Bacharelato, FP, nais e pais de alumnos e asociacións.

Obxectivos:

• Saber analizar criticamente os escaparates e coñecer as súas técnicas básicas.
• Ser consciente do papel que xoga o escaparate na venda dos produtos.
• Ser conscientes da influencia que ten o escaparate no comportamento do consumidor.

Descrición:

O taller comezará cunha presentación de 30-40 minutos sobre as características e técnicas empregadas nos escaparates. A continuación realízase a análise de tres escaparates diferentes.

Anunciamos doutro xeito

Duración: 1 h.

Idade recomendada: EPO.

Obxectivos:

• Achegar o alumnado ao fenómeno publicitario como un feito que pretende, teoricamente, informar o consumidor e consumidora.
• Saber analizar ata que punto e en que porcentaxe a publicidade comercial que se emite polos distintos medios de comunicación informa das características, virtudes ou defectos dun produto.

Descrición:

Os alumnos analizan anuncios de diferentes medios (televisión, radio ou revistas e prensa):

• Como se poden transformar para que sexan máis informativos (modificar os diálogos, a imaxe, o contido…)
• Analizar o tempo que dura un anuncio e o que pode custar.
• Comprobar se é un anuncio atractivo ou aburrido.
• A continuación realizamos a campaña publicitaria dun produto, de maneira que se informe ao consumidor e consumidora de todos aqueles aspectos que necesitaría coñecer do produto antes de decidirse a mercalo.