Dentro do se programa de Educación para o consumo 2013-14, a Oficina Municipal de Información ao Consumidor (OMIC), oferta diferentes propostas de cursos  dirixidos a adultos sobre diferentes temas relacionados co seu consumo diario: as compras por internet, a factura da electricidade, o uso seguro das novas tecnoloxías, os produtos ecolóxicos, o aforro enerxético...

Os destinatarios dos mesmos son persoas maiores de 18 anos, ben público xeral ben asociacións de consumidores e usuarios da Coruña.

Estes cursos, cunha duración aproximada de unha hora e media cada un, terán lugar no auditorio das oficinas da  OMIC da Coruña, todos os venres non festivos entre os meses de outubro e decembro.

E este ano faise un especial fincapé en abordar e sensibilizar sobre a importancia de facer un uso seguro das novas tecnoloxías da información para minimizar os riscos derivados dos diferentes tipos de fraude que podemos encontrarnos na rede.

O programa e datas dos mesmos é a seguinte:

• 4 de outubro de 11.00 a 12.30 - Compras por Internet;
• 11 de outubro de 11.00 a 12.30 - Economía doméstica.;
• 18 de outubro de 11.00 a 12.30 - Sensibilización sobre uso seguro das Tecnoloxías da Información (Internet, móbil, tablet) polos menores;
• 25 de outubro de 11.00 a 12.30 - Produtos de agricultura ecolóxica;
• 8 de novembro de 11.00 a 12.30 - Uso seguro das Tecnoloxías da Información (Internet, móbil, tablet);
• 15 de novembro de 11.00 a 12.30 - O uso dos transxénicos na alimentación;
• 22 de novembro de 11.00 a 12.30 - Boas prácticas nas redes sociais (Tuenti, Facebook, Twitter, Google+) e mensaxerías instantáneas (Whatsapp, Line...):
• 29  de novembro de 11.00 a 12.30 - Apaga a luz, acende o planeta;
• 13 de decembro de 11.00 a 12.30 - Entendendo a factura da luz: que pagamos cando acendemos unha lámpada?

Poden solicitar inscripción nas instalacións da Oficina Municipal de Información ao Consumidor na Rúa Costa da Palloza, 8 en horario de 08:00 a 14:00 horas.

Para máis información poden chamar ao teléfono 981189820.