Que teño que facer?

1. Etiquetar individualmente cada unha das botellas co meu número de dorsal e o punto quilométrico no que quero telo dispoñible.
2. Se quero que mo entreguen na man ao pasar polo avituallamento, teño que acreditar á persoa ou persoas que realizarán esta función. Necesito facilitar o seu nome e DNI e o número do meu dorsal para que me entreguen unha acreditación que lle autorice a estar no/os punto/s elixidos.
3. Entrega e depósito do avituallamento persoal.

• Sábado 16 de abril de 17:00 a 21:00 horas na zona de recollida de dorsais do Corte Inglés de Marineda City (planta de deportes)
• Domingo 17 de abril, na zona de entrega de dorsais (Praza de María Pita) de 7:00 a 7:30horas.
• A organización encargarase de depositar os avituallamentos persoais nos puntos indicados polas persoas participantes con antelación á saída da carreira. Se a ou o participante  non acreditou a ningunha persoa, a organización non se fará responsable dos erros que poidan cometer outras ou outros corredores por recoller un avituallamento equivocado. 
• Calquera avituallamento fóra da zona marcada para iso poderá supoñer a descualificación da carreira da persoa infractora.

Cumpre o regulamento. Sorte na túa carreira!