As camisetas oficiais das carreiras son sempre un sinal de identidade das probas que representan, e nesta quinta edición de Coruña42 optouse por unha camiseta de calidade que identifican tanto o Maratón Atlántica como á súa 10k. Con este motivo, e seguindo a imaxe das bandeirolas e cartelería editadas para esta carreira, todas e todos os corredores que participen en Coruña42 recibirán unha camiseta, xunto á bolsa do corredor, no momento no que recollan o seu dorsal.

A recollida de dorsais realizarase na planta de deportes de El Corte Inglés en Marineda City, o venres día 15 de abril desde as 17.00 horas ata as 22.00 h e o sábado 16 ininterrompido de 10.00 a 21.30 horas.